• |
ide | kryesore

Kush është Thoma Gëllçi/ Zëdhënësi i 3 kryeministrave që iu vunë prangat nga SPAK

-Instant, Arkiva, Lajme, Të fundit



Ish-drejtori i RTSH, Thoma Gëllçi dhe 3 punonjës të këtij institucioni janë arrestuar me urdhër nga SPAK. Ata akuzohen për “shpërdorim detyre” dhe “shkelje të barazisë në tendera”.

Bëhet fjalë për tenderin me vlerë mbi 86 milionë lekë të reja (pa TVSH) të zhvilluar në vitin 2019 për blerjen e pajisjeve për kanalin “TVSH Agro”.

Po kush është Thoma Gëllçi?

Ai ka studiuar gjuhë-letërsi në Universitetin e Tiranës, në periudhën 1980-1984.

Nga viti 1985 deri më 1992, ai punoi si gazetar dhe redaktor i kulturës në gazetën Zëri i Popullit, organ zyrtar i Partisë së Punës së Shqipërisë dhe, pas vitit 1991, i Partisë Socialiste.

Në periudhën 1992-1996, ai shërbeu si kryeredaktori i gazetës Zëri i Popullit, gjatë kohës kur Partia Socialiste ishte në opozitë.

Gëllçi shërbeu si zëdhënës i Qeverisë së Pajtimit Kombëtar me Kryeministër Bashkim Fino gjatë periudhës mars-qershor 1997.

Me ardhjen në pushtet të socialistëve, ai shërbeu si zëdhënës dhe drejtues i zyrës së informacionit të kryeministrave socialistë: i Kryeministrit Fatos Nano më 1997-1998, i Kryeministrit Meta më 1999-2002 dhe sërish i Kryeministrit Nano më 2002 deri më 2005.

Pas largimit nga pushteti, në vitin 2005, të PS-së, Gëllçi emigroi në SHBA, nga ku u kthye për të marrë drejtimin e RTSH në maj të 2016 e ndërsa u lirua nga detyra pas 5 vjetësh në maj të 2021. Në vend të tij, u emërua Martin Leka.



3 Comments

  1. Geri Kokalari i zbulon të shkuarën Evi Kokalarit: Ka lidhje me një kongresmen që po hetohet për trafik seksual

  2. Nuk ka dhene vetem “ze” per to… por edhe eksperience nga pere*dimi i diellit…
    Lajm mund te ishte nese do kishim nje pentito…. per ato dhe keto…
    ⚠️⚠️⚠️

  3. po.ardhja e kokpalares nuk eshte rastesore mendoj. po me vjen mire qe mafja dhe krimi nuk ” ekzistojn” me ne kete vend mafjoz nga koka te kembet….e keshtu i erdhi radha ishdrejtorave . kjo eshte k…a amerik qe mban ngjall mafjen dhe perfiton prej saj (deep dark states) dhe baxhellat e shqipove qe han buk me ta .Zoti i shkatrroft me themel.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *