Kur flet ai vështirë se kalon pa u vënë re dhe gjithashtu në këtë rast Massimo Cellino, presidenti i Brescias, nuk ka përdorur lojëra fjalësh për të thënë mendimin e tij. “Titulli i Interit në sezonin e kaluar nuk është i merituar – ka ashpërsuar tonet pronari i ‘Rondinelle’ -. Ata dhe Juventus ishin në borxhe të mëdha që para pandemisë. E meritonte Milan, i cili përfundoi i dyti me një drejtim nga ana e shoqërisë që po e çon atë në shlyerjen e borxheve. Ndërkohë, te Inter nuk kanë paguar as rrogat… “.
“Nëse Interi fitoi kampionatin me një deficit prej 245 milionësh – komentoi Cellino për TeleTutto -, në realitet ata e kanë humbur atë kampionat. Të fitosh një kampionat do të thotë të jesh në gjendje ta bësh atë edhe nga pikëpamja e buxheteve. E nëse futbolli nuk kthehet të jetë korrekt dhe transparent, do të vazhdojë të tërheqë personazhe të dyshimtë. Nga ana ime, unë paguaj me rregullsi rrogat dhe taksat”.