Drejtori i së ashtuquajturës “Zyre për Kosovën”, Petar Petkoviç, ka reaguar pasi Kosova ka vendosur për masën anti-damping, duke thënë se është kundër dispozitave të CEFTA-s. Petkoviç tha se nuk është hera e parë që Republika e Kosovës “vepron kundër rregullave të tregtisë”, raporton agjencia e lajmeve serbe Tanjug.
“As Beogradi nuk pati mundësinë të deklarojë dhe ofrojë argumentet e tij mbi masat anti-damping, siç parashikohet në nenin 22 të marrëveshjes CEFTA, as nuk u informuam për masat përmes mekanizmit CEFTA, por përmes mediave.”, -tha Petkoviç. Ministrja e Industrisë dhe Tregtisë, Rozeta Hajdari, ka njoftuar se kanë marrë dy vendime për masa mbrojtëse antidamping ndaj disa produkteve nga Serbia.
Në një konferencë për media të premten, Hajdari bëri të ditur se njëri vendim cakton masën antidamping prej 3 centë për kilogramë në importin e koncentratit të kafshëve dhe shpezëve nga Serbia. Nga ana tjetër, vendimi tjetër cakton një masë antidamping prej 3 centë për njësitë e bllokut ndërtimor me origjinë nga Serbia. Sipas saj, dy vendimet janë marrë në përputhje me Kushtetutën e Kosovës, teksa shton se kanë pasur edhe hetime paraprake për këtë.
“CEFTA vepron kunder Dumping sikurse ne Art 26 te General Agreement of Tarifs and Trade”. Kosova ka plotesisht te drejte. I thoni ketij Petkovicit te lexoje marreveshjen e CEFTA se qeka totalisht trap!