Një ndeshje e rëndësishme, shumë majde, aq sa tensioni ndihet edhe tek tifozët që po vërshëojnë në stadium për të ndjekur Shqipëri-Poloni, që me shumë mundësi do të përcaktojë edhe fatet e vendit të dytë në Grupin I kualifikues. Pak orë para fillimit të ndeshjes tifozët shqiptarë e ata polakë janë konfrontuar me njëri-tjetrin pikërisht përpara Presidencës në sheshin ‘’Nënë Tereza’’.
Nuk është rindërtuar ende si u përshkallëzua situata, por grupimet e tifozerive janë përplasur duke përdorur madje edhe shashka. E menjëhershme ishte ndërhyrja e forcave të rendit që kanë neutralizuar konfliktin, por duhet patur parasysh se gjendja është e nderë me më shumë se 21 mijë tifozë kuqezinj dhe, zyrtarisht, 750 tifozë polakë të cilët do të jenë të vendosur pas portës.