Aktorja e njohur Demi Moore, tashmë 58 vjeç dhe vajza e saj Scout Willis, 30 vjeçe bënë një udhëtim kulturor në Paris. Në kryeqytetin francez ato shfrytëzuan rastin për të vizituar disa muze dhe për të admiruar artin evropian …sidomos atë mbi anatominë mashkullore.
Aktorja e filmit “Striptease” ka shpërndarë në Instagram një fotografi qesharake në të cilën pozon pranë një skulpture të madhe prej guri të një penisi.
“Admirimi i artit” – shkroi Moore duke mos e zbuluar se në cilin muze është ekspozuar vepra që nuk ka dyshim se së shpejti mund të bëhet një pikë referimi e re e kulturës pop.
Statuja është pa dyshim masive dhe më e gjatë se vetë Moore, siç tregon imazhi. Pas turneut “të nxehtë” të artit francez, nëna dhe vajza fluturuan për në Itali për të parë koleksionin e Fendi/Versace. ©LAPSI.al