• |
ide | kryesore

REPLIKAT/ “Horra dhe banditë, plehra, fundërrina”, Lulzim Basha nuk përmbahet në Kuvend, sherr me Nikollën e Shalsin

-Instant, Arkiva, Lajme, Të fundit

Seanca e sotme plenare e Kuvendit të Shqipërisë ka nisur me akuza dhe debate. Në nisje të seancës opozita kundërshtoi vendimin për ndarjen e minutazhit mes PS dhe PD për diskutimet.


Një debat i ashpër u zhvillua mes Lelzim Bashës e Eduart Shalsit. Teksa deputeti i PS-së, Shalsi, ironizoi deputetët e PD-së mbi akuzat e tyre se po u ndërpritjes e drejta e fjalës, kreu Basha iu përgjigj nga vendi duke e quajtur atë plehrë.


“Mbylle gojën ore plehrë. Hajdut, fundërrinë. Koha juaj ka filluar të mbarojë” – tha Basha ndër të tjera nga vendi.

Ndërkohë Shalsi iu përgjigj duke i thënë: “Trashja e zërit e jotja mund të trembë ndonjë laraskë aty rreth teje. Tani po më bëni të qesh me këtë natyrën tuaj duke u sjellë si i fortë.

Nëse mendon se do mbijetosh në politikë duke trashur zërin dhe me këtë sjellje, atëherë e ke gabim. Ke 16 vjet në politikë dhe nuk ke mësuar gjë, për këtë më vjen keq” – tha Shalsi.

Debati në Kuvend

Shalsi: Keni një zakon të keq, e bëni dhe në komisione, nuk dëgjoni dhe nuk mësoni ndaj jeni katandisur në këtë gjendje.

Basha: Pusho more, ti po flet për katandisje? O plehrë! Kujt i flet kështu ti more?! Plehrë!

Shalsi: Shihni shembullin. Shini shembullin.

Basha: Mos qesh shumë se ta kërcas kokën… Maskara!

Shalsi: Nëse mendoni që do t’ju shërbejë…

Basha: Mate mirë gojën kur flet, fundërrinë.

Nikolla: Zoti Basha, ruani etikën ju tërheq vërejtje për mungesë etike.

Shalsi: Ndjej keqardhje për ju…Nuk e kuptuar kurrë sa i dobët je, trashja jote e zërit mund të trembi ndonjë laraskë…Ta kuptoj hallin por nuk ta qaj.

Lulzim Basha: O plehrë, u bërë ti të bësh moral. Hajdut! Gjysma juaj duhet të ishte në burg. O fundërrinë… Maskara. Pis. Jeni një tufë plehrash këtu, bëni dërr dërr dërr.

Shalsi: Je i pafuqishëm për të debatuar.

Basha: Jeni një tufë horrash dhe banditësh. Koha juaj ka filluar të mbarojë, i gjithë llumi i tranzicionit, edhe ti.

Shalsi: E di pse qesh, ke 16 vjet në politikë dhe nuk ke mësuar asgjë. Mendon se do mbijetosh në politike me këtë stil të foluri.

Basha: Ti e ke politikën zanat për t’u pasuruar, unë e kam mision.

3 Comments

Lini një Përgjigje

Adresa juaj email s’do të bëhet publike.

Kthehu