Një kabinë elektrike e cila është në afërsi të spitalit Shefqet Ndroqi është përfshirë nga flakët mesditën e sotme. Fatmirësisht zjarri nuk ka prekur godinën. Flakët u vunë nën kontroll shpejt, ndërsa në vendngjarje kanë shkuar dy zjarrfikës dhe po punohet për normalizimin e situatës.
Për momentin nuk raportohet për persona të lënduar apo dëme. Nuk dihen ende shkaqet e zjarrit në kabinën elektrike, ndërsa policia ka nisur hetimet.