• |
ide | kryesore

Djali vështron flakët në ballkon, dalim pamjet pak pasi ra zjarri te banesa në “Astir” (VIDEO)

Arkiva, Lajme, Të fundit

Një 62-vjeçare ka ndërruar jetë tragjikisht mëngjesin e kësaj të shtune në Astir, pasi u hodh nga kati i tretë i pallatit, për t’i shpëtuar flakëve. Ngjarja ka ndodhur rreth orës 05:55, në Astir. Policia njofton se pasi ka rënë zjarr në katin e 3-të një pallati, në pamundësi për të dalë jashtë 62-vjeçarja Hava Osmenaj dhe djali i saj 36-vjeçar janë hedhur nga dritarja.


62-vjeçarja nuk ka mundur t’i shpëtojë plagëve të marra, ndërsa i biri ndodhet në spital, nën kujdesin e mjekëve.


Lapsi.al siguron një video pak pasi kishte rënë zjarri. Shihet në ballkon një person i seksit mashkull. Me siguri duhet të jetë djali, i cili u hodh gjithashtu nga ballkoni njësoj si nëna e tij që ndërroi jetë.

Dyshimet e para flasin për një zjarrvënie të qëllimtë ose nga pakujdesia 36-vjeçarit, që vuante nga probleme të shëndetit mendor. Banorët e pallatit shprehen të tronditur për ngjarjen, ndërsa flakët kanë përfshirë edhe apartamentin përballë.

Ngjarja ka alarmuar edhe më shumë banorët për faktin që pallati nuk kishte shkallë emergjence dhe nëse zjarrfikësja nuk do kishte ndërhyrë në kohë, tragjedia do të ishte edhe më e rëndë.

Në vendngjarje ka mbërritur grupi hetimor, që po punon për zbardhjen e ngjarjes.

Lini një Përgjigje

Adresa juaj email s’do të bëhet publike.

Kthehu