Kanye Omari West tani është thjesht Ye. Pa një emër të dytë, pa mbiemër. Një gjykatë në Los Angeles miratoi kërkesën e Kanye West për të ndryshuar emrin, sipas Deadline dhe Rolling Stone.
Vendimi i gjykatës vjen dy muaj pasi reperi kërkoi që të ndryshonte emrin e lindjes me pseudonimin që përdor prej kohësh. Ai postoi edhe një foto në rrjete sociale me një model të çudishëm flokësh dhe mbishkrim:
Ironikisht, albumi më pak i pëlqyer i tij është ai i vitit 2018, titulluar pikërisht “Ye”. Në nëntor 2019, ai i tha dizajnerit të Yeezy, Steven Smith, se po të donte, mund ta ndryshonte emrin për një vit në Christian Genius Billionaire Kanye West. Në fakt, Ye është më mirë.