Komisioni Qëndror i Zgjedhjeve ka marrë një ankesë referuar deputetes së Partisë Demokratike, Elda Hoti. Ankesa lidhet me ndërrimin e emrit të babait të saj. I ati i deputetes e ka ndërruar emrin nga David Hoti në Artan Hoti. Ky ndryshim nuk është reflektuar në Formularin e Vetëdeklarimit të deputetes.
Nëse një akuzë e tillë vërtetohet, deputetja rrezikon të humbasë mandatin e saj, për shkak të ligjit të dekriminalizimit. Kujtojmë se Hoti e mori mandatin, mbasi deputeti Mark Marku hoqi dorë nga qarku i Lezhës.
Deputetja e Partisë Demokratike,mori mandatin, pas dorëheqjes së Mark Markut nga Qarku i Lezhës.
Rast identik me ndryshimin e të dhënave bazë të gjendjes civile dhe mosdeklarimin e këtyre ndryshimeve në formularin e dekriminalizimit, është ai i deputetit Sali Berisha.
Në rastin e këtij të fundit është kryer madje edhe falsifikim i Regjistrit të Gjendjes Civile pasi rezulton që ndryshimi është bërē pa vendim gjykate.