Lazio në krizë i falet tani grumbullimit, siç nuk kishte ndodhur që nga 3 dhjetori 2018: edhe atëherë vendimi kishte ardhur pas një disfate në Bentegodi, por ishte Chievo, këtë herë ishte radha e Veronës për të hapur reflektimet në shtëpinë e bardhekaltërve. Shtatëmbëdhjetë gola të pësuar në nëntë ndeshje, hera e fundit e një britëshie të tillë difensive kishte ndodhur në kampionatin 1983/84. “Më vjen turp, nuk mund të vazhdojmë kështu: fitoni nëse impenjoheni, jo se quhesh Lazio. Është çështje mentaliteti para së gjithash”, këto janë fjalët (sipas Il Messaggero) që Sarri i ka thënë skuadrës në dhomat e zhveshjes pas 1-4 nga e cila skuadra kryeqytetase doli e dërrmuar.
Gjatë javës trajneri kishte punuar me mendjen e lojtarëve, madje edhe me intervista private, derisa ka arritur edhe të pyesë grupin, si një lloj provokimi, nëse ata donin “kokën” e tij. Tani në vend të kësaj ka ardhur koha e ‘shkopit’: “Nëse luani kështu do të thotë që nuk po hyj dot brenda jush, le të shikojmë njëri-tjetrin në fytyrë dhe të zgjidhim çdo problem”, këto janë arsyet që çuan në vendimin për të shkuar në grumbullim.