• |
ide | kryesore

Moratti rrit dozën e polemikave të Inter-Juve: “U prish ndeshja, si ajo ka një mal me penallti”

-Instant, Sport

Massimo Moratti ka komentuar epilogun e ndeshjes së djeshme kundër Juventusit dhe episodin e diskutueshëm që pa protagonistë Dumfries e Alex Sandron: “Nuk e di nëse ishte penallti, situata e djeshme prishi një ndeshje nga pikëpamja teknike. Arbitrat lënë të luhet gjatë ndeshjes dhe më pas ka një ashpërsi të madhe të papritur”. Ish-presidenti i zikaltërve vazhdoi: “Ashpërsia mund të jetë shumë e drejtë, por të luash me dy lojtarë më pak mund të ndryshojë totalisht ndeshjen, ashtu si penalltia e djeshme e ndryshoi lojën. Nuk dukej si një penallti që të detyronte të ndërhyje më pas, kështu kemi një mal me penallti nga mëngjesi në mbrëmje”.


“Unë mendoj se Interi është shumë i ndryshëm nga viti i kaluar, të japin përshtypjen se janë një ekip që argëtohen dhe luajnë mirë, por nuk kanë të njëjtin besim që kishin në sezonin e kaluar. Dallimi midis Conte dhe Inzaghit? Conte ka dëshmuar se fiton, Inzaghi është krejtësisht ndryshe. Ka marrë përsipër një përgjegjësi të madhe”, ka analizuar Moratti për momentin e Interit.


Rruga drejt titullit bëhet e ndërlikuar, derbi i 7 nëntorit mund t’i japë Interit një shtysë të re: “Pikët e shumta distancë nga kryesuesit e bëjnë të qartë se rruga drejt titullit do të jetë e vështirë. A do të jetë derbi pika e kthesës? Interi në pjesën e parë kundër Juves bëri një lojë të mrekullueshme. Nga pikëpamja e lojës, nëse arrin të shënojë më shumë, mund të bëjë rezultate të mira. Fitimi i derbit do të ishte shumë i rëndësishëm”.

Lini një Përgjigje

Adresa juaj email s’do të bëhet publike.

Kthehu