Një aksident ka ndodhur mëngjesin e sotëm në aksin Gjirokastër-Kakavijë, në afërsi të fshatit Dervician. Mësohet se autobusi i linjës Libohovë-Tiranë ka dalë nga rruga. Si pasojë është dëmtuar një 30-vjeçare, pasagjere në mjet. Ajo është transportuar në spital, ku edhe po merr ndihmën mjekësore.
Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.