• |
ide | kryesore

Në shtrat me… Valentinon: ja ku ka përfunduar kaska speciale e Rossit

-Instant, Sport



Ka një emër dhe një mbiemër tifozi i Valentino Rossit (nëse nuk ka qenë më parë, sigurisht që është tani!) që ishte më i shpejtë për të zotëruar kaskën speciale që “Doktori” mbante për GP e fundit të tij në klasin mbretëreshë e që më pas e hodhi në tribuna në përfundim të njëzet e shtatë xhirove të Grand Prix të Emilia-Romagna e të Made in Italy të dielën e kaluar në Misano Adriatico.

Ai quhet Michele Quirini dhe ka qenë vetë ai që ka dalë hapur, duke postuar një imazh elokuent në rrjetet sociale, në një qëndrim “dashamirës” me trashëgiminë e çmuar: kaskën (e dizenjuar nga Aldo Drudi) që nëntë herë kampioni i botës ia ka kushtuar tifozëve të vet me rastin e garës së tretë nga fundi të Botërorit 2021 dhe të karrierës së tij.

“Natën e mirë! E po, ka aromë legjende”.

Kjo është diçitura që shoqëron foton e Micheles nga Fabriano së bashku me “thesarin” e tij. Thesar në çdo kuptim, duke qenë se bëhet fjalë për të kaskën e fundit të Rossit, që mes koleksionistëve mund të ketë një vlerë të madhe edhe ekonomike, një nga të paktat që Rossi nuk do të jetë në gjendje t’a ekspozojë privatisht në galerinë e relikeve sportive. E edhe kjo, po ta mendosh mirë, është një shenjë e bukur e mirënjohjes së kampionit ndaj atyre që e kanë ndjekur dhe e kanë vlerësuar për më shumë se një çerek shekulli: në kohë të mira dhe të këqija. Kush e di, ndoshta oferta e parë “recompra” mund të vijë pikërisht nga Tavullia!



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *