“Verona gjeti dy gola shumë herët, por është e vërtetë që ata ishin më ‘zgjuar’ se ne, duke fituar shumë kontraste. Pastaj në atë moment duhet të përpiqesh të shënosh gol në çdo mënyrë, por ne nuk mund të dhurojmë një pjesë loje; duhet të kujtojmë se ne jemi Juventus, duhet të respektojmë këtë fanellë, historinë e saj dhe kampionët e mëdhenj që e kanë veshur atë”. Kështu Paulo Dybala ka komentuar humbjen e Juventusit ndaj Veronës në kanalet zyrtare të klubit.
“Si dilet nga ky moment? Të bashkuar. Secili prej nesh, para se të bjerë të flejë, duhet të mendojë për ndeshjen e humbur dhe si të japë diçka më shumë, duke bërë një dush përulësie dhe duke menduar menjëherë për të martën. Nëse luan te Juve nuk mund të kesh frikë”, përfundoi sulmuesi argjentinas.
NË INSTAGRAM: “TË RINGRIHEMI”
“E di mirë që fjalët nuk mjaftojnë, por duhet të ngrihemi dhe duhet të jemi të gjithë të bashkuar për të përmbysur situatën. Forza Juve”: Ky është postimi i Dybala në Instagram.