Sergio Aguero është dërguar në spital pasi vuajti nga probleme me frymëmarrjen gjatë barazimit 1-1 të Barcelonës kundër Alaves të shtunën. Aguero, 33 vjeçar, u detyrua të largohej në minutën e 41 nga fusha e Camp Nou pasi u rrëzua përtokë duke shtrënguar gjoksin. Nuk ishte e qartë se çfarë e shkaktoi problemin. Ai mori trajtim në fushë për disa minuta dhe u shoqërua jashtë me barelë, megjithëse argjentinasi ishte në gjendje të dilte nga fusha në këmbë.
“Aguero ndjeu shqetësime në gjoks dhe është shtruar në spital për një ekzaminim kardiak”, konfirmoi Barcelona në një deklaratë pas ndeshjes. Tekniku i përkohshëm i Barçës, Sergi Barjuan tha: “E pyeta dhe ai më tha se ishte i trullosur. Më thanë se shkoi në spital. Nuk di asgjë tjetër.”
Memphis Depay hapi rezultatin për Barcelonën në minutën e 49, por Alaves barazoi në minutën e 52, me golin e shënuar nga Luis Rioja, rezultat që e mban Barcelonën në vendin e nëntë në La Liga.
E kishte bërë “vaksinën”?!