Kanë kaluar tre muaj nga lamtumira e tij me Barcelonën për të nisur aventurën e re te PSG. Shumë pak për të harruar origjinën dhe për të fshehur disa lloj ndjenjash. “Do të kthehemi të jetojmë përsëri në Barcelonë, jeta jonë do të jetë atje. Kjo është ajo që gruaja ime dëshiron dhe ajo që dua unë – tha Leo Messi në një intervistë ekskluzive për ‘Sport’ – Barcelona? E kam thënë gjithmonë se do të doja të isha në gjendje të ndihmoja klubin. Do të më pëlqente të bëhesha sekretar teknik, nuk e di nëse aty. Nëse do të jetë mundësia, do të doja të kontribuoja me aq sa mundem sepse është klubi që dua”.
Më pas Messi i përgjigjet presidentit Blaugrana, Laporta, që e kishte kaluar topin në këmbët e argjentinasit (“Shpresova deri në minutën e fundit që Messi do të donte të qëndronte falas me ne”). “Bëra gjithçka për të qëndruar. Askush nuk më kërkoi të luaja falas. Ata më kërkuan të ulja rrogën time me 50% dhe e bëra pa probleme – tha kampioni argjentinas gjithmonë për ‘Sport’ – Më duken të pavend fjalët e presidentit. Më lënduan sepse nuk kishte nevojë t’i thoshte ato gjëra.”
Gjashtë herë Topi i Artë (“I shtati do të ishte çmenduri”) më në fund foli për PSG-në: “Skuadra ka një organikë të shkëlqyer dhe unë dua të vazhdoj të fitoj. Dua të fitoj përsëri Ligën e Kampionëve pas kaq shumë vitesh”. Dhe më pas, pasi të fitojë, ndoshta mund të kthehet në Barcelonë për të filluar një jetë të re si drejtues.