Në orët në vijim pritet një përkeqësim i motit në të gjithë bregdetin.
Drejtoria e Përgjithshme Detare, në postimin e saj në Facebook, bën me dije se priten erëra të forta me drejtim nga jug-juglindje me shpejtësi deri në 31 milje në orë dhe valëzimi në detin Adriatik do të jetë me forcën 4-5 me lartësi dallge mbi 3m dhe në Detin Jon, forca 5-7 me lartësi dallge deri ne 4m.
Për të parandaluar çdo situatë të papritur për shkak të kushteve atmosferike, kërkohet që të merren masat e të gjithë subjekteve që ushtrojnë veprimtari në fushën e detarisë.