Një shtëpi në fshatin Gjergjan, në bashkinë e Elbasanit, është përfshirë nga flakët mesditën e sotme. Flakët kanë përfshirë të gjitha ambientet e banimit dhe çatinë duke djegur pjesërisht mobilet dhe pajisjet.
Fatmirësisht nuk ka të lënduar nga zjarri, ndërsa automjetet dhe punonjësit e shërbimit zjarrfikës po punojnë për izolimin dhe shuarjen e flakëve. Shkaqet e zjarrit janë ende të paqarta.