• |
ide | kryesore

Disiplina bën të pasur FSHF-në: 450 000 lekë gjoba për klubet, asnjë lojtar i dënuar

-Instant, Sport

Disiplina po bën një pasuri të vërtetë me gjobat e vazhdueshme cdo javë për klubet, me justifikimin e zakonshëm, “sjellje të gabuar të spektatorëve” dhe logon e munguar të kampionatit. Partizani dhe Teuta vazhdojnë të jenë rregullisht pjesë e masave ndëshkimore të Komisionit të Disiplinës dhe Etikës të Federatës Shqiptare të Futbollit, për shkak të mungesës së logos “Abissnet Superiore”. Të dy këto klube, për mosrespektim të përsëritur të Rregullores së Veprimtarisë Futbollistike duke mos vendosur logon “Abissnet Superiore” janë gjobitur me 100.000 lekë të rinj secili.


Po për të njëjtin motiv, sjellje të gabuar të tifozëve, Tirana dhe Dinamo janë gjobitur me 50.000 lekë secila, ndërsa në një afat prej 15 ditësh duhet të dëmshpërblejnë Arenën Kombëtare për dëmtimet e shkaktuar nga ultrasit. Me 50.000 lekë të secila, gjithnjë për sjellje të gabuar të tifozëve, janë gjobitur dhe Egnatia e Skënderbeu. Në Kategorinë e parë, për të njëjtën arsye dhe me të njëjtën masë, është gjobitur Shkumbini, ndërsa është paralajmëruar Erzeni.


Vendimet e Komisionit të Disiplinës dhe Etikës së FSHF

1. KF Tirana, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, në bazë të neneve 65/1, 65/3/a, 65/3/c dhe 65/3/f të KDS, dënohet me gjobë në masën 50.000 (pesëdhjetë mijë) lekë.
KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
2. FK Dinamo, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, në bazë të neneve 65/2, 65/3/a, 65/3/c dhe 65/3/f të KDS, dënohet me gjobë në masën 50.000 (pesëdhjetë mijë) lekë.
FK Dinamo, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
3. KF Egnatia, për sjellje të gabuar të spektatorëve, në bazë të neneve 65/1, dhe 65/3/c të KDS, dënohet me gjobë në masën 50.000 (pesëdhjetë mijë) lekë.
4. FK Partizani, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
5. KF Teuta, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
6. KF Skënderbeu, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
7. KF Shkumbini, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.
8. Lojtari i Maliqi, Ronaldo Isufi, për sjellje josportive ndaj kundërshtarit, në bazë të nenit 47/1/d, dënohet me 2 (dy) ndeshje pezullim nga aktiviteti.
9. KF Erzeni, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
10. Lojtari i SHS Albpetrol, Nimet Meçaj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
11. Lojtari i Flamurtari FC, Mateo Qarri, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
12. Zyrtari i Brians U-17, Aldi Shyti, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
13. Lojtari i FC Internacional Tirana U-13, Arnis Neza, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
14. Lojtari i FC Internacional Tirana U-13, Etien Gjergji, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
15. Lojtari i Tirana B U-19, Klevis Allmuca, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
16. Lojtari i FC Scutari U-19, Besar Papaj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
17. Lojtari i FC Scutari U-19, Erjon Frani, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
18. F.K. 28 NËNTORI, për braktisjen e ndeshjes së vlefshme për Kampionatin FSHF Sunday League (9×9), kundër F.C.HELZAG, në bazë të nenit 54/1 të KDS, humbet ndeshjen në tavolinë me rezultatin 0-3.
19. Lojtari i KF COCA COLA TEPELENA, Marjus Braculla, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
20. Rrëzimin e kërkesës së lojtarit të KF Tirana U-13, Rejan Lika, si të pabazuar në Kodin e Disiplinës Sportive.
21. Rrëzimin e kërkesës së lojtarit të FC Besa U-19, Islam Deliu, si të pabazuar në Kodin e Disiplinës Sportive.

Lini një Përgjigje

Adresa juaj email s’do të bëhet publike.

Kthehu