Sulmuesi i Paris Saint-Germain, Mauro Icardi, ka transferuar asetet, të drejtat sportive dhe ato të imazhit te gruaja dhe menaxherja e tij Wanda Nara deri në vitin 2050. Lajmi mbërrin nga Argjentina dhe raportohet nga TYC Sports. Lëvizja e futbollistit ka një arsye të qartë: të shpëtojë martesën pas trazirave të ditëve të fundit. Duhet patur parasysh se çifti ishte në prag të divorcit kur Wanda mësoi se sulmuesi 28-vjeçar i PSG-së kishte një të dashur. Megjithatë, në fund të tetorit, ata bënë paqe. Më pas u kthyen zërat për një ndarje të re, përpara se dje të konfirmohej paqja me një video në Instagram të çiftit në Dubai. Por sic duket tani edhe paqja është biznes.