Të shtëna me armë zjarri janë dëgjuar këtë mbrëmje në zonën e Astirit. Sipas informacioneve paraprake bëhet me dije se është qëlluar drejt një makine, tip “Audi A8” i bardhë, që ndodhej e ndaluar në semafor. Nga policia mësohet se si pasojë e plumbave kanë humbur jetën dy shtetas ende të paidentifikuar, të cilët ishin brenda në mjet.
Shërbimet e Policisë kanë shkuar në vendngjarje dhe po kontrollojnë zonën me qëllim identifikimin dhe kapjen e autorit/ve.