Harry Maguire këmbëngul se festimi i tij në ndeshjen kualifikuese të Kupës së Botës të Anglisë kundër Shqipërisë “nuk i ishte drejtuar” askujt. Kapiteni i Manchester United vuri duarte te veshët pasi zhbllokoi rezultatin në fitoren 5-0 të Tre Luanëve në Wembley të premten mbrëma. Gjesti i Maguire dukej në fakt se ishte një mesazh për kritikët e tij të ashpër, në lidhje me performancat e tij me Djajtë e Kuq, por qendërmbrojtësi sqaron se festimi “nuk kishte asnjë kuptim”.
Në intervistën e tij pas ndeshjes, mbrojtësi që u transferua në Old Trafford për 80 milionë paund tha: “Jo, nuk i drejtohej askujt”. “Ishte një rrëshqitje në gjunj, padyshim që i vendosa duart në veshët e mi, por jo. Unë jam kapiten i Manchester United, sigurisht që do të marr kritika kur skuadra nuk po shkon mirë, e pres plotësisht këtë. Por sigurisht që nuk i drejtohet askujt.” Festa e Maguire zemëroi legjendën e Manchester United dhe Eksperti i ITV-së, Roy Keane, i cili pas ndeshjes sulmoi: “Vendosi duart te veshët sikur do ti mbyllte gojën kritikave. Por mendoj se është e turpshme. Ai ka qenë një turp në muajt e fundit për Manchester United e mendon se nëse i shënon Shqipërisë do heshtë kritikat. E turpshme”.
"That's embarrassing, he's been a disgrace the last few months for Man Utd."
Roy Keane was not impressed over Harry Maguire's celebration after his goal earlier tonight#ITVFootball pic.twitter.com/mMXfpZkyCT
— ITV Football (@itvfootball) November 12, 2021