Izraeli njoftoi dje ( 14 nëntor) se fëmijët e moshës pesë deri në 11 vjeç mund të vaksinohen kundër Covid-19 dhe se data e nisjes së vaksinimit do të shpallet pas disa ditësh.
Vendimi i shpallur nga Ministria e Shëndetësisë vjen pas miratimit nga Komiteti i Specialistëve të Vaksinave javën e kaluar, pasi Administrata Amerikane e Ushqimit dhe Barnave (FDA) autorizoi vaksinën Pfizer dhe BioNTech për këtë grupmoshë në një dozë të vetme prej 10 mikrogramësh.
Ndërsa doza për fëmijët 12 vjeç e lart është 30 mikrogramë.
Pfizer dhe BioNTech kanë thënë se vaksina e tyre është 90.7% efektive kundër koronavirusit në një provë klinike te fëmijët e moshës pesë deri në 11 vjeç.
Ministria tha në një deklaratë se data e fillimit të vaksinimit të fëmijëve të moshës pesë deri në 11 vjeç me formulimin Pfizer / BioNTech mund të caktohet brenda pak ditësh.
“Shumica e ekspertëve në komitet ishin të mendimit se përfitimi i vaksinimit të kësaj grupmoshe tejkalon çdo rrezik,” tha ministria në një deklaratë.
9.4 milionë banorët e Izraelit janë relativisht mosha te reja, me rreth 1.2 milionë fëmijë në grupmoshën pesë deri në 11 vjeç.
Zyrtarët shëndetësorë thonë se vendi nuk mund të arrijë ” imunitetin kolektiv ” nëse fëmijët e kësaj moshe nuk vaksinohen.
Një sondazh në Izrael javën e kaluar zbuloi se 27% e prindërve do t’i lejonin fëmijët e tyre nën moshën 12 vjeç të bënin vaksinën, me 33% kundër dhe 40% të pavendosur.
Katër milionë izraelitë kanë marrë dozën përforcuese të vaksinës, e cila u miratuan në gusht për personat që kishin marrë dozën e dytë të vaksinës Pfizer të paktën pesë muaj më parë.