Mediat e huaja kanë raportuar së fundmi se Travis Scott është në gjendje jo të mirë emocionale pas tragjedisë së ndodhur në festivalin “Astroworld”.
Një burim ka treguar për ‘Fox News’, se reperi është mbështetur tek Kylie Jenner për të kaluar këtë situatë.“Kylie është e shkatërruar nga tragjedia në Astroworld dhe ka bërë gjithçka që mundet për të mbështetur Travisin në të gjitha emocionet me të cilat ai po përballet çdo ditë.Ajo e di se sa shumë do të thotë për Travis të performosh dhe të dalësh para fansave të tij, kështu që ta shohësh atë në një gjendje shokuese teksa lajmet dhe proceset gjyqësore vazhdojnë është shumë e vështirë për të dy”u shpreh burimi. Gjithashtu sipas tij,reperi është në kontakt të vazhdueshëm me familjarët e viktimave dhe u ka ofruar ndihmën e tij.