• |
ide | kryesore

Akuzat për përdhunim, Edouard e Ferland Mendy i ngatërrojnë me Benjamin Mendy: tërbohen dy lojtarët

-Instant, Sport

Benjamin Mendy ndodhet në burg për akuzat e përdhunimit dhe ditët e fundit emri i tij ka qenë në gazetat e mediat në mbarë botën. Sa keq që disa prej tyre, duke dhënë lajmin, kanë gjetur Mendy e gabuar. Në disa artikuj, anësori i Mançester Sitit në fakt është ngatërruar me Edouard dhe Ferland Mendy, përkatësisht portierin e Chelsea dhe mbrojtësin e Real Madrid. Një situatë që i ka tërbuar direkt të interesuarit, të detyruar menjëherë të mohojnë gjithçka dhe të shfryjnë zemërimin e tyre në rrjetet sociale.


“Është e trishtueshme të shohësh se në vitin 2021, në Francë, ashtu si në Angli, disa zezakë nuk kanë emra apo fytyra të dallueshme – tha Edouard Mendy në një histori të postuar në Instagram -. Këto ‘gabime’ janë padyshim simbolike. Megjithatë, nuk është aq e komplikuar të dalloni dy fytyra, sidomos kur fanella mund të jetë një ndihmë e çmuar”.


Mesazhi u shpërnda menjëherë në Twitter nga Ferland Mendy. “Faleminderit Edouard Mendy! Jemi në vitin 2021. Do të duhet kohë, por do të përfundojnë duke na respektuar! I pëlqen apo jo!”, u përgjigj mbrojtësi i Realit. Një qëndrim i ashpër për të mos lejuar që ngatërresa e bujshme e personave të përsëritet duke pasur parasysh akuzat e rënda në lojë.

Lini një Përgjigje

Adresa juaj email s’do të bëhet publike.

Kthehu