Policia e Fierit ka vënë në pranga 50-vjeçarin H.D., pasi ka ushtruar dhunë fizike dhe psikologjike ndaj bashkëshortes së tij dhe djalit të mitur 14-vjeç.
Gjithashtu është proceduar penalisht edhe 24-vjeçari B.R, banues në Fier, pasi në kundërshtim me Gjykatën ka shkuar te banesa e nënës së tij, e cila ishte e pajisur me urdhër mbrojtje.
Më tej uniformat blu njoftojnë se është proceduar edhe 46-vjeçari P.V., pasi duke drejtuar automjetin tip “Shevrolet”, ka dalë nga rruga dhe për pasojë është dëmtuar pasagjerja në mjet 16 vjeçe, e cila ndodhet në spital nën kujdesin e mjekëve.
“-Specialistët për Hetimin e Krimeve në Komisariatin e Policisë Fier shpallën në kërkim dhe po punojnë për kapjen e shtetasit H. D., 50 vjeç, banues në Frakull e Madhe, Fier, pasi dyshohet se ka ushtruar dhunë fizike dhe psikologjike ndaj bashkëshortes së tij dhe djalit të tij të mitur 14 vjeç.
-Po nga këto struktura, u procedua penalisht shtetasi B. R., 24 vjeç, banues në Fier, i cili në kundërshtim me vendimin e Gjykatës, ka shkuar te banesa e nënës së tij, e cila ishte e pajisur me urdhër mbrojtje.
-Specialistët e Sektorit të Qarkullimit Rrugor në DVP Fier proceduan penalisht shtetasin P. V., 46 vjeç, banues në Ballsh pasi duke drejtuar automjetin tip “Shevrolet” ka dalë nga rruga dhe për pasojë është dëmtuar pasagjerja në mjet 16 vjeçe, e cila ndodhet në spital nën kujdesin e mjekëve.
Materialet i kaluan Prokurorisë për veprime të mëtejshme procedurale”, njofton policia.