• |
ide | kryesore

Video/ “A godet dot më fort?”: Provokime dhe goditje për fitoren e 11 të Florian Markut në betejën me 8 raunde

-Instant, F1, Sport, Video



Florian Marku mposhti Jorick Luisetton për të përmirësuar rekordin e tij të pathyeshmërisë duke emocionuar tifozët shqiptarë të pranishëm të shtunën në Londër. ‘Mbreti Shqiptar’, sic e quan Sky Sport, tërhoqi një mori tifozësh që brohoritën para dhe pasi ai fitoi me pikë në një duel me tetë raunde. Marku nuk ishte kurrë në rrezik dhe mbeti i pamposhtur për të 11 sfidë radhazi, ndërsa progresoi në një skenë emocionuese të peshave të lehta me bazë në Mbretërinë e Bashkuar që përfshin Conor Benn, David Avanesyan, Josh Kelly, Chris Kongo dhe Chris Jenkins.

I nxitur nga atmosfera elektrizuese, Marku e filloi shpejt me goditje që shkaktonin dhimbje dhe dëme tek kundërshtari – një uppercut ishte pjesa kulmore. Stili i Markut ndryshonte mes qëndrimeve serioze e provokimeve për të ndëshkuar Luisetton. Francezi ishte i guximshëm dhe i gatshëm të sulmonte hapur, por kjo i mundësoi vetëm Markut të gjente hapësirë për goditjet e tij të mprehta. Marku filloi të provokonte kundërshtarin e tij në raundin e pestë, për kënaqësinë e turmës, përpara se të niste grushtimet mbi të.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *