Momente frike për Mark Cavendish në Six Days në Gand. Çiklisti britanik u rrëzua gjatë testit të Madison, duke pësuar frakturë të dy brinjëve dhe një pneumotoraks të lehtë (dmth kolapsi i pjesshëm i një mushkërie). Gruaja e tij Peta tha se Cavendish e kaloi natën nën vëzhgim në terapi intensive, ndërsa ekipi i tij, Deceuninck-Quick Step, njoftoi se ai mund të dalë nga spitali brenda ditës së nesërme dhe se më pas do t’i duhet të kryejë një periudhë rehabilitimi.
“Cannonball” u lëshua me shpejtësi të plotë në pistën belge, kur kampioni olimpik i specialitetit Lasse Norman Hansen u rrëzua pikërisht përpara tij, që goditi biçikletën e danezit dhe fluturoi në ajër përpara se të shembej keq në tokë. Përkujdesja ishte e menjëhershme, Cavendish arriti të ngrihej dhe të shkonte drejt një karrige, por më pas u nxor nga impianti me barelë kur gjendja e tij u duk e rëndë.
“Faleminderit për të gjitha mesazhet tuaja – ishin fjalët e Peta Cavendish në Twitter menjëherë pas aksidentit -. Mark do ta kalojë natën në terapi intensive. Faleminderit stafit mjekësor që na ndihmoi dhe gjithashtu stafit të Deceuninck-Quick Step që vrapoi për të na ndihmuar mua dhe fëmijët”.
Thank you for all the messages. Mark is spending the night in ICU following todays crash. Thank you to all the medical staff that helped us today and also to the @deceuninck_qst staff that sprung into action to help me and the kids. ❤️
— Peta Cavendish (@petatodd) November 21, 2021