• |
ide | kryesore

Trump takim me adoleshentin që vrau 2 persona dhe u shpall i pafajshëm

-Instant, Lajme, Planet

Donald Trump zbuloi se kishte pritur në rezidencën e tij në Florida, Mar-a-Lago, Kyle Rittenhouse, pas kërkesës së vetë 18-vjeçarit, të shndërruar në adoleshentin më të përfolur në SHBA në javët e fundit.


Të premten, Rittenhouse u shpall i pafajshëm për vrasjen e dy personave dhe plagosjen e një të treti, gjatë trazirave në Kenosha, Usikonsin, vitin e kaluar, pasi juria vendosi se si kishte vepruar për vetëmbrojtje. Gjyqi shkaktoi reagime të shumta, pasi incidenti tragjik ndodhi gjatë një proteste të organizuar nga mbështetës të lëvizjes Black Lives Matter. Edhe pse tre personat që Rittenhouse qëlloi ishin të bardhë, ai u etiketua edhe nga Presidenti Joe Biden si supremacist i bardhë, për shkak se kishte shkuar i armatosur në një protestë të BLM. Por Rittenhouse tha se kishte dalë në mbrojtje të bizneseve që po plaçkiteshin gjatë asaj nate dhe se kishte qëlluar me armë vetëm pasi ishte sulmuar.


“Më telefonoi dhe donte të dinte nëse mund të vinte”, tha Trump në një intervistë për Fox News të martën. “Ishte një djalë vërtet i këndshëm. Erdhi bashkë me të ëmën”.

Trump tha se Rittenhouse nuk duhet të ishte gjykuar kurrë për ngjarjen, pasi ishte e qartë që kishte vepruar për vetëmbrojtje. “Dërgimi i çështjes në gjyq ishte shkelje nga ana e prokurorit. Do të kishte vdekur po të mos vepronte”.

I pyetur për tragjedinë e fundit, të ndodhur sërish në Usikonsin të dielën, ku një person u fut me makinë mes turmës dhe vrau 6 persona, mes të cilëve edhe fëmijë. Autori i dyshuar, Darrell Brooks, me precedentë penalë ishte liruar dy javë më parë nga burgu pas pagesës së një garancie prej vetëm 1000 dollarësh. Këtë herë, Gjykata ka vendosur 5 milionë dollarë garanci. “Kishte dalë me garanci pasurore dhe ishte i skeduar. Por lajmi i mirë është që urrente Trump, bazuar te raportimet e deritanishme”, tha ish-presidenti.

1 Comment

  1. Pak me te sakte lapsi… Vrau per VETMBROJTJE mbasi u kercenua dhe u sulmua nga ata.. 2 halabake..njeri pedofil i denuar.

Lini një Përgjigje

Adresa juaj email s’do të bëhet publike.