• |
ide | kryesore

Misteri i vrasjeve në Deçan/ Ende pa shpjegim breshëria e plumbave drejt autobusit me të rinj

-Instant, Arkiva, Kryesore, Lajme



Nuk japin asnjë shkak për vrasjen e tre personave në fshatin Kllogjan të Deçanit, por autoritetet e Kosovës përjashtojnë çdo mundësi që kjo të konsiderohet një akt terrorist. Për mediat që kërkojnë shpjegim, thonë se kanë dy apo tre pista hetimi për breshëritë e plumbave të Kallashnikovit që i mori jetën dy të rinjve, Ledion Hamzaj dhe Genta Mustafaj dhe shoferit të autobusit, Gani Gjokaj.


Të afërm të viktimave kanë treguar se breshëritë nisën sapo autobusi po hynte në fshat, aty ku shpejtësia e mjetit ishte më e vogël. Përshkruajnë një person me maskë dhe të armatosur që është zhdukur pas ngjarjes. Një prej dëshmitarëve që ka qenë në autobus në momentin kur ka ndodhur sulmi, ka thënë për mediat në Kosovë se sulmi u krye nga një person i maskuar.

“Jemi kon tu ec me autobus. Edhe na ka dalë një person i maskuar me kallash në dorë edhe ka filluar me gjuajt drejtë neve. Gjithçka ka ndodh shumë shpejt”, ka thënë ai.

Drejtori i Përgjithshëm i Policisë së Kosovës, Samedin Mehmeti dha një prononcim të përgjithshëm për mediat, duke mos zbuluar asgjë konkrete.

“Aktualisht mund të flasim për një sistem të dy, përkatësisht tri pistave të mundshme të hetimit dhe të gjitha informacionet që jemi duke i mbledhur, por edhe provat materiale nga vendi i ngjarjes çojnë në këtë drejtim. Po flasim për një person, por me mundësi të ndërlidhjes edhe me persona të tjerë, që nënkupton se mund të ketë më shumë se një të dyshuar. Në kuptimin e qarkullimit të personit, janë duke u ekzaminuar prova teknike të ndryshme, të cilat do të na tregojnë saktë se prej nga ka ardhur, ku ka qëndruar dhe nga ka shkuar”, tha Mehmeti.

Gjithsesi ai mohoi se ngjarja të ketë lidhje me një akt terrorist, kur u shpreh “deri në këto momente që ne po flasim, ne nuk e kemi asnjë të dhënë, asnjë provë, asnjë informacion që shkon nga akti terrorist apo nga akti që ndërlidhet me çështje religjioze”.

Për ngjarjen ka pasur reagim të menjëherëshëm nga krerët e shtetit në Kosovë dhe në Shqipëri.

Lexo edhe: Mbi 1,500 persona në spital, hetimet për helmimet nga uji në Deçan

Misteri shtohet nëse rikthehet në vëmëndje ngjarja që ndodhi në muajin Korrik në Deçan, kur rreth 1 mijë e 500 banorë të komunës u paraqitën në spital me simptoma helmimi.

Një nga pistat e hetimit ishte edhe helmimi i qëllimshëm i ujit nga sy shtetas serbë, që kishin lëvizur pranë ujësjellësit të Deçanit./Lapsi.al



2 Comments

  1. më shumë se sa e dëshiron, e mendon realisht që atë dikush duhet ta vrasë. I kapluar nga paranoja e njeriut që ka plot gjynahe për të larë, ai mendon se vërtet dikush në këtë vend, e dëshiron vdekjen e tij.

    Këtu nuk është se gabon shumë, pasi ka mijëra vetë që e duan të vdekur, por problemi është se të gjithëve atyre që u ka bërë keq, mendojnë se tani ndaj tij po vendoset drejtësia, duke filluar nga damkosja e përjetshme si hajdut familjarisht, dhe epitafi si minues i demokracisë dhe drejtësisë në vend.

  2. Berisha po mbronte Metën, për të mbrojtur pushtetin e tij, pasi 4 votat e Metës mbanin në këmbë qeverinë e Berishës që nga shtatori 2009.

    Vetëm anëtari i Gjykatës së Lartë, Ardian Dvorani, nuk iu bind sinjalit të Berishës. Dvorani votoi kundër pafajësisë së Metës. Për këtë arsye, Dvorani u shpall armik, u liçua dhe u sulmua egërsisht nga Berisha dhe Meta për 9 vite me radhë.

    Në shkurt 2021, Departamenti Amerikan i Shtetit shpalli pikërisht Ardian Dvoranin në listën e 12 personaliteteve kampionë në botë në luftën kundër korrupsionit.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *