Një vendim i guximshëm. E revolucionar. Brentford ka njoftuar se do ta mbajë fanellën për ndeshjet në shtëpi edhe për sezonin e ardhshëm. Arsyeja? Kursimi i parave të tifozëve dhe mbrojtja e mjedisit. Ndërkohë që skuadrat e tjera ndryshojnë uniformat nga viti në vit, Brentford, i sapopromovuar në Premier League dhe +4 nga zona e rënies, ka vendosur t’i zgjasë jetën fanellës së tyre “të shtëpisë” e cila kushton 49 dollarë dhe është e prodhuar nga Umbro. Kjo fanellë do të vishet nga Jansson dhe shokët e tij të skuadrës edhe për sezonin 2022/23. Administratori i deleguar i klubit bardhekuq, Jon Varney, është shprehur: “Respekti, progresi dhe solidariteti janë tre vlerat tona themelore. Ne besojmë në futbollin brenda mundësive të tifozëve tanë dhe jemi të vetëdijshëm për nevojën që loja të fokusohet më shumë në qëndrueshmëri”. Impakti i zgjedhjes? “Reduktimi i cikleve të prodhimit të një fanelle është një hap për të ndihmuar mjedisin. E tifozët tashmë na kanë thënë se janë në favor të kursimeve që do të kishin nga një fanellë e vetme për dy sezone.”
?????? ????????????? ???????? ????? ????
Our first ever @UmbroUK #PL Home kit will roll over to be our first choice kit for the 2022/23 season as well
? https://t.co/l3BJdBagCY #BrentfordFC #BeeTogether pic.twitter.com/DTv8eoJ0S9
— Brentford FC (@BrentfordFC) November 24, 2021
Fanellat e tjera të klubit do të prodhohen dhe tregtohen rregullisht: “Ne e dimë se shumë prej tifozëve tanë duan të kenë tre fanella të reja çdo sezon. Dhe momenti kur ne zbulojmë fanellat është gjithmonë shumë i pritur. Prandaj, edhe pse fanella e shtëpisë do të mbetet e njëjtë, konfirmoj që tani, se do të kemi një fanellë të dytë dhe të tretë të re për sezonin 2022/23”.