• |
ide | kryesore

Presidenti slloven: BE t’i heqë vizat Kosovës, tejkaloni mosmarrëveshjet me Serbinë

-Instant, Lajme, Planet

Presidenti i Sllovenisë, Borut Pahor është shprehur sot se vendi i tij është mbështetës e dialogut mes Serbisë dhe Kosovës, dhe se kësaj të fundit, Bashkimi Evropian duhet t’ia liberalizojë vizat.


Pahor ka kërkuar të tejkalohen të gjitha mosmarrëveshjet në dialogun Kosovë-Serbi dhe të vazhdohet më tej për arritjen e marrëveshjes finale. Ai në një konferencë të përbashkët me presidenten Vjosa Osmani, tha se Sllovenia do të mbështesë dialogun dhe perspektivën e Kosovës në procesin euro-integrues.


Megjithatë, Pahor tha se dy palët duhet të respektojnë edhe marrëveshjet e arritura. “Kushti i parë është t’i besohet dialogut dhe respektohen marrëveshjet”, tha ai.

Pahor deklaroi se dialogu duhet të bëhet një hap më tej tek çështja e personave të zhdukur.

“Në të dy këto çështje Sllovenia është mbështetëse edhe më tutje. Sllovenia e mbështet edhe perspektivën euroatlantike të Kosovës…Duhet të tejkalohen mosmarrëveshjet në dialog dhe të ndikojmë në Bashkimin Evropian.”

Lini një Përgjigje

Adresa juaj email s’do të bëhet publike.

Kthehu