Në Bavari kthehet paniku i mbylljes për shkak të Covid-19. Rritja e fortë e infektimeve mund të detyrojë qeverinë gjermane të marrë një vendim të ri në lidhje me masat, që shkon drejt shtrëngimit të tyre për përballimin e Pandemisë. Nuk shpëton në këtë rast as futbolli dhe rreziku është që sfida e Ligës së Kampioneve, Bajern i Mynih – Barcelona, e parashikuar për t’u luajtur më 8 dhjetor në “Alianz Arena” të zhvillohet me dyer të mbyllura.
Dhe kjo, më tepër se thjesht një hipotezë, është real si fakt, ndërsa guvernatori i Bavarisë, Markus Soder, në fakt, ka paralajmëruar se do t’i ndalojë tifozët të marrin pjesë në ndeshje, edhe pse nuk ka ende një marrëveshje për ta bërë në nivel kombëtar. Nuk është specifikuar ende se kur masat e reja do të hyjnë në fuqi, por ndeshja e ardhshme në shtëpi e Bajern Mynih është pikërisht ajo për 1/8 e finaleve të Ligës së Kampioneve ndaj Barcelonës.
Kampionët e Gjermanisë të shtunën në ora 18:30 do të jetë si vizitorë përballë Borusias së Dortmundit në ndeshjen e vlefshme për javën e katërmbëdhjetë të kampionatit. Një ndeshje që Levandovski dhe shokët e tij do të mund të jenë të detyruar ta luajnë pa mbështetjen e tifozëve të tyre.