Një aksident ka ndodhur rreth orës 13:30 në aksin Rrogozhinë-Durrës, ku ka mbetur i plagosur një person. Mësohet se një makinë tip “Honda” është përplasur me një trajler me targa të Malit të Zi, e për pasojë shoferi është plagosur në kokë.
Sipas policisë, dyshohet se mjeti “Honda” ka qenë me shpejtësi tej normave dhe është përplasur me pjesën e pasme të trajlerit. Shoferi i plagosur është dërguar me ambulancë në Spitalin e Durrësit.