“Fakte”. Me një postim konciz dhe të drejtpërdrejtë, edhe Cristiano Ronaldo i bashkohet korit të atyre që besojnë se dhënia e Topit të Artë 2021 për Lionel Messin është e padrejtë. Kampioni portugez përgjigjet në faqen e një tifozi, që rendiste të gjitha arsyet pse çmimi duhej t’i shkonte vetë CR7 ose Robert Lewandowskit, i dyti për vetëm 33 vota.
Postimi, në faqen e një llogarie të një tifozi të quajtur “Cristiano Ronaldo – The Legendary” i ndjekur nga vetë ylli portugez, detajon arritjet e Ronaldos në vitin 2021 përpara se të përcaktonte trofeun për Messin si “Vjedhje. Qelbësirllëk. Turp. Thjesht e mjerueshme”.
“Të gjithë e kanë parë. Kushdo që është mjaftueshëm i zgjuar e di se cilët janë me të vërtetë ata që meritojnë. Marrja e shpërblimeve pa i fituar ato është lumturi e rreme, pa krenari.”
Mbishkrimi, nën fotot e Ronaldos në fushë me Juventusin, Unitedin dhe kombëtaren, nis kështu: “43 gola në vit, 6 gola në 5 ndeshje të këtij Champions League, të gjitha vendimtare dhe një djalë që, pavarësisht moshës, vazhdon të bëjë mrekulli dhe nuk pushon së mahnituri të gjithë botën. E vendosin sidoqoftë në vendin e gjashtë… A besoni vërtetë se 5 të tjerë kanë bërë më shumë se ai në vit? Kurrë. Duhet të kishte konkurruar me Lewandowskin, i cili në numra individualë ishte i jashtëzakonshëm, me Bayernin që kishte një sezon më të mirë se Juventusi dhe një sezon më pak problematik se United, por në nivel kombëtar, për shembull, Cristiano ka qenë shumë më i mirë. Dhe kujt i shkon çmimi? Messit, i cili ka fituar vetëm Kupën e Mbretit me Barcelonën, nuk ka shënuar asnjë gol kundër Real Madrid që nga largimi i Cristianos, është zhdukur në ndeshjet e mëdha të sezonit, ka fituar Kupën e Amerikës që supozohej të ishte çdo 4 vjet, por praktikisht luhet çdo vit. Nuk shënoi as në fund as në gjysmëfinale. Dhe individualisht ka pasur një sezon të ndrydhur me PSG-në. Cristiano për të fituar këtë çmim duhet të jetë 300% i padiskutueshëm. E kotë të bësh rovjeshatën më të mirë të vitit, të jesh kampion i gjithçkaje me klubin, golashënuesi më i mirë i gjithçkaje dhe të shënosh një trigolësh në Kupën e Botës, ata gjejnë gjithnjë një mënyrë për tia marrë çmimin atij. Me Messin është e kundërta. Ai mund të bëjë një sezon të profilit të ulët, shumë më poshtë, ata gjithmonë do të gjejnë një mënyrë për ta favorizuar dhe për t’i dhënë çmimin”.