Një ngjarje e rëndë ka ndodhur në një familje shqiptare në Greqi. Sipas ERT1, mesnatën e së dielës një 40-vjeçar ka mbytur me duart e veta gruan e tij në Vlachiotis të Lakonisë. Sipas raportit të mediave greke bëhet fjalë për një shtetas shqiptar 40-vjeçar që ka mbytur me duart e tij bashkëshorten e tij 36-vjeçare. Ai dyshohet se ka njoftuar autoritetet se ka mbytur gruan e tij pas një debati të fortë. Policia ka mbërritur në shtëpi dhe ka konstatuar se gruaja ishte pa ndjenja. 36-vjeçarja u transportua me autoambulancë në spitalin e zonës ku edhe u konstatua vdekja.
Sipas informacioneve të notospress.gr, bëhet fjalë për një çift me dy fëmijë të mitur, të cilët punojnë në kultura bujqësore.