Patinazhi artistik ka humbur një nga talentet më premtues. Ngjarja ndodhi të shtunën në mbrëmje në rrethinat e San Marinos, kur dy të fejuarit 18 vjecarë, Daniele Volanti dhe Elly Mattiuzzo, ishin në një Fiat 500 që i doli nga kontrolli. Makina ka hyrë në korsinë e kundërt dhe është përplasur me një makinë tjetër, një Volkswagen që vinte përballë. Përplasja ka qenë e dhunshme: makina e ciftit përfundoi e shkatërruar. Daniele dhe Elly vdiqën menjëherë, ndërsa piloti i Volkswagenit mbeti i plagosur, por jashtë rrezikut për jetën. Një makinë e tretë, një BMW, është përfshirë gjithashtu në aksident.
ELLY– Ajo kishte lindur në Milano, por ishte zhvendosur në San Marino me të atin dhe frekuentonte shkollën e artit Volta-Fellini në Riccione. Në vitet milaneze vajza kishte zbuluar pasionin e madh për patinazhin artistik. Ajo kishte garuar për Hot Shivers dhe në vitin 2019 kishte marrë pjesë edhe në Kampionatin Botëror të Juniorëve të organizuar në Neuchâtel të Zvicrës.