Në pritje që të plotësohen skuadrat e kualifikuara në 1/8 e Ligës së Kampionëve, me rikuperimin e Atalanta-Villarreal, loja e ndërlidhur me pikat e rregullores (për shembull, dy skuadra nga i njëjti vend nuk mund të takohen gjithashtu në 1/8, ashtu si dy skuadra që ishin në të njëjtin grup) dhe përqindjet, na jep një ide se si mund të shkojë shorti sipas përllogaritjes së probabilitetit.
Kështu, janë dy skenarët që priten, me ose pa Atalantën në raundin e dytë. Nëse bergamaskët do të eliminohen nga spanjollët, Juventusi do të kishte të njëjtat shanse të takohej me Villarrealin ose Atleticon (18.71%). Vetëm pak më poshtë si mundësi skuadra që tmerron të gjithë brezin e parë të skuadrave me përjashtim të Manchester City që e kishte në grup: PSG-së (17.81%), e ndjekur nga Salzburg (15.08%), Benfica (14.82%) dhe Sporting (14.82%). Nga ana tjetër, kualifikimi i Atalantës do ta bënte më tinzar shortin për bardhezinjtë, duke rritur mundësinë e përballjes: Atletico (22.23%) dhe PSG (22.04%), pastaj Salzburgu (19.79) dhe dy portugezet sërish me të njëjtin probabilitet (18, 47%).
Sa i përket Interit, rreziku më i mundshëm është ai i kapjes së një ekipi anglez. Me Atalantën ende në garë, përllogaritja e probabiliteteve thotë Manchester United i CR7 (19.2%), në letër e keqja më e vogël, e ndjekur nga Liverpool (18.64%) dhe Manchester City (18.5%). Më pas Lille (15.98%), ndërsa Ajax dhe Bayern (13.84%) janë më pak të mundshëm. Gjërat nuk ndryshojnë shumë nëse kualifikohet skuadra valenciane: United dhe Reds (18.71%), City me 18.44%, Lille (16.18%) dhe dyshja Ajax-Bayern (13.98%).
Nëse Toloi dhe shokët e tij e kalojnë raundin, edhe për ta rreziqet vijnë nga Premier: Liverpool (19.34%) dhe City (19.33%), më pas Real (16.89%), Lille (16.28%), Bayern (14.08%) dhe Ajax (14.08%).