OSHEE ka treguar shkaqet se përse disa fshatra të Korçës janë pa energji elektrike.
Ata njoftojnë, se veç dëmeve në linjat TM të OSSH, si pasojë e motit të keq me reshje dëbore, një tjetër faktor negativ sipas tyre ka qenë defektet e linjave në HEC Nica dhe Gjoka. Më tej njoftohet se pa energji elektrike do të jenë zonat Velçan, Strelcë, Moglic ë, Lozhan, Snisht dhe Tresovë.
“Fshatrat pa drita në Korçë, OSSH: Shtyllat e dy HEC-ve dëmtuan rrjetin elektrik
Prej disa ditësh, mes dëborës, elektricistët e OSSH janë duke punuar në linjat e zonave rurale të Korçes.
Përveç dëmeve në linjat TM të OSSH, si pasojë e motit të keq me reshje bore në zonën e Korçës, një tjetër faktor negativ, që ka shkaktuar vonesë në rikthimin e energjisë elektrike, kanë qenë defektet në linjat 35kV të HEC Nica dhe Gjoka (Shalës).
Konkretisht përcjellësat e djegur të këtyre linjave dëmtuan fiderat 10kV të NST Lozhan duke lëne pa energji elektrike zonat Velçan, Strelcë, Moglicë, Lozhan, Senisht dhe Tresovë.
Këto dy HEC-e operojnë në rajonin e Korçës dhe aktualisht kanë stopuar aktivitetin e tyre.
Grupet e avarisë së OSSH #Korçë po punojnë në kushte të vështira të terrenit malor, me temperatura të ulëta për riparimin e të gjithë defekteve dhe rikthimin e energjisë elektrike të zonës”, njofton OSSHEE.