Një tërmet me magnitudë 7.3 goditi Indonezinë. Lëkundjet u regjistruan në pjesën lindore të vendit, ndërsa autoritetet njoftuan se nuk ka paralajmërim për cunami.
Tërmeti i fortë tmerroi shumë banorë të ishullit Flores, të cilët nxituan të largoheshin nga shtëpitë e tyre, por deri më tani nuk raportohet për viktima apo dëme materiale, sipas kreut të shërbimit meteorologjik dhe sizmologjik.
Shërbimi Meteorologjik dhe Sizmologjik Indonezian vlerësoi se tërmeti ishte me magnitudë 7.5. Shërbimi Gjeologjik i SHBA-së (USGS), foli për një tërmet me magnitudë 7.3 në një thellësi 18.5 kilometra në një zonë detare pranë ishullit Flores, rreth 100 kilometra nga qyteti i Momere.