Të shtëna me armë pranë një karburanti në dalje të qytetit të Lezhës.
Policia thotë se të shtënat kanë qenë në ajër dhe nuk ka pasur të lënduar, por gjithsesi ka nisur verifikimet.
Në vendngjarje ka shkuar një grup hetuesish që po përpiqen për zbardhjen e ngjarjes.
Njoftimi i Policisë për ngjarjen:
Rreth orës 21:05, në një rrugë dytësore, në dalje të qytetit Lezhë, një shtetas ende i paidentifikuar dyshohet se ka qëlluar me armë zjarri në ajër .
Shërbimet e Policisë dhe grupi hetimor mënjëherë kanë shkuar në vendngjarje dhe po punojnë për fiksimin e çdo provë që mund të çoje në identifikimin dhe kapjen e autorit të dyshuar.