Mediat e huaja kanë raportuar së fundmi se një nga fansat e Kylie Jenner është arrestuar.
Disa burime kanë konfirmuar për “TMZ”, se fansi i Kylie, i quajtur Jrue Mesgan është vënë në pranga, pasi mbi të rëndon akuza për futje të paautorizuar në shtëpi private, saktësisht në rezidencën e Jenner.Fansi ishte vënë re nga roja e sigurisë në momentet e futjes në shtëpi. Ai ka tentuar përsëri t’i afrohet vendndodhjes duke u arrestuar përfundimisht për shkelje të urdhrit të gjykatës. Kylie ka pasur shumë probleme me fansat e fiksuar, pasi edhe në fillim të këtij muaji një burrë i armatosur erdhi në shtëpinë e saj për të deklaruar dashurinë e tij për të dhe për t’i kërkuar dorën e saj për martesë.