Në pritje të rifillimit të stërvitjeve me PSG dhe ndoshta edhe disa lajmeve të reja nga merkato, Mauro Icardi ka fluturuar në Argjentinë për të kaluar fundvitin me familjen e tij. Një periudhë relaksi që sulmuesi po e shijon pa i kushtuar shumë rëndësi gjendjes fizike. Në Instagram Stories të publikuar nga Wanda Nara, Maurito shfaqet paksa i rënduar dhe me shumë “bark” për një futbollist. Sigurisht një lajm jo i mirë për PSG-në në funksion të rifillimit të afërt të kampionatit, por që ndoshta është edhe një lloj treguesi përse qendërsulmuesi argjentinas i ka patur shumë të reduktuara shanset dhe performancat e tij kanë qenë nën ton.