Dalin detaje të reja në lidhje me vdekjen e 27-vjeçarit në Cërrik, të cilit i shpërtheu në dorë një sasi lënde plasëse.
Mediat raportojnë se i riu Erion Rexhepi e ka gjetur lëndën plasëse në rrugë sapo ka dalë nga shtëpia. Kur e ka marrë në dorë ajo ka shpërthyer duke i marrë jetën.
Të njëjtat burime thanë se bëhej fjalë për një minë me telekomande, e cila dyshohet se ishte vendosur poshtë një automjeti, por që mendohet se ka rënë në ecje e sipër.
Policia është duke u përpjekur të identifikojë shënjestrën e atentatit mafioz me minë me telekomandë që në fund i mori jetën aksidentalisht të riut Erion Rexhepi. ©LAPSI.al