• |
ide | kryesore

Franca pret shpresat e Shqipërisë për integrimin: Nuk ka ndarje nga Maqedonia e Veriut

-Instant, Arkiva, Lajme, Të fundit

Ambasadorja e Francës në Shqipëri Elisabeth Barsacq, në një intervistë për emisionin “Mirëmëngjes” në Euronews Albania tha se mendon që nuk duhet të ketë ndarje të Shqipërisë dhe Maqedonisë së Veriut në procesin integrues në Bashkimin Evropian.

“Në lidhje me këtë çështje, mendoj se duhet ta tejkalojmë idenë se dy vendet mund të veçohen. E di se shumë thonë se meqë gjërat nuk po shkojnë mirë për Maqedoninë e Veriut për shkak të Bullgarisë, atëherë duhen ndarë.


Kjo duhet tejkaluar dhe ne duhet të bëjmë maksimumin në mënyrë që të mbahen dy konferencat ndërqeveritare në të njëjtën kohë”, tha ajo.

Tirana dhe Shkupi për vite me radhë po presin nisjen e bisedimeve dhe sipas vlerësimit të Komisionit Evropian, dy shtetet kanë përmbushur të gjitha kushtet.

Por, Bullgaria, shtet anëtar i Bashkimit Everopian, e ka bllokuar këtë proces për shkak të mosmarrëveshjeve që ka me Maqedoninë e Veriut sa i përket historisë dhe gjuhës.

Për shkak se disa shtete po refuzojnë që të ndajnë Shqipërinë nga paketa me Maqedoninë e Veriut, edhe nisja e negociatave me Tiranën është bllokuar.

Në anën tjetër, Franca ka marrë më 1 janar kryesimin gjashtëmujor të Presidencës së Bashkimit Evropian dhe presidenti francez, Emmanuel Macron, bëri thirrje për një Evropë më të fortë, sovrane dhe të bashkuar.

Macron për një kohë të gjatë ka kërkuar që BE-ja të jetë fuqi më e fortë botërore, teksa ka kërkuar që 27 shtetet e bllokut të jenë më të bashkuara.

Por me sa duket, Shqipëria do të vazhdojë të jetë peng i të tjerëve. Këtë radhë i Maqedonisë së Veriut.

Pak ditë më parë kryeministri Edi Rama tha gjatë një konference për shtyp se nëse Bullgaria do të vijojë që të vendosë veton kundrejt Maqedonisë së Veriut sa i përket integrimit, qeveria shqiptare do të kërkojë ndarjen.

“Jemi në një faze absurde të bllokimit të Maqedonisë nga Bullgaria. Kemi kërkuar një opinion nga qytetarët nëse ata do ta mbështesnin një qasje të re të politikës sonë të jashtme. Që do të thotë se nëse në fund të qeverisjes franceze, dmth 6 mujorin e parë të vitit të ardhshëm Bullgaria të vendos të bëjë veton, do të fillojmë që të kërkojmë ndarjen nga Maqedonia e Veriut. Është vendim me peshë në një natyrë strategjie”– tha Rama.

Në lidhje me këtë proces, kreu i qeverisë tha se do të ketë edhe një konsultim me qytetarët, përmes nismës për Këshillimi Kombëtar për Shqipërinë.

6 Comments

  1. Jam kurion kujt i p* çfare thote krm-a . Ketu lojnat luhen ne BE . Prape demagogji e budallalliqe me bashkeqeverisje!

  2. Keto jane ***lliqe europinatesh! Thoni troc, nuk pranojme ne BE shtete me shumice islami. Kaq. Na vjen, s’na vjen mire, ky eshte realitet.

  3. @VK po a nuk ngriti krieministri prifta hoxha dervishe dhe i çoi në francë për çarlrin
    Ç’duhet të bëjmë me shume ti puthin b francës.
    Nga nje ane me mire qe sna pranojnë se në këtë gjendje që jemi vetëm po sollen plehrat për ti djegur këtu se tjetër leverdi nuk kanë nga ne.
    Pastaj duhet të shikoj me pas një që ta ka fut njehere mos prit të mira prej.saj
    Kush na katandisur 28000m katror pikërisht kjo kurva e motit.

Lini një Përgjigje

Adresa juaj email s’do të bëhet publike.

Kthehu