• |
ide | kryesore

Gazeta serbe: Këto janë gënjeshtrat më të mëdha të Vuçiçit gjatë 2021-shit

-Instant, Lajme, Të fundit

Gazeta serbe Nova.rs i ka përmbledhur në një artikull rrenat më të mëdha që presidenti i Serbisë, Aleksander Vuçiç ka bërë gjatë vitit 2021.


Mediumi serb shkruan se duhen shumë letra të bardha për t’i shkruar të gjitha gënjeshtrat që janë thënë nga presidenti serb vetëm në vitin 2021.


Një nga rrenat e vitit të Vuçiçit ishte deklarata se “unë nuk dal shpesh në televizion”.

Sipas Byrosë për hulumtime sociale “BIRODI”, Vuçiç ka qenë i pranishëm më shumë se 100 orë transmetime në televizion, transmeton Gazeta Express.

Një tjetër rrenë e presidentit serb ka qenë deklarata se “nuk i paditë kundërshtarët politikë dhe gazetarët”.

Por, në fillim të nëntorit 2021, presidenti serb kishte ngritur padi kundër politikanit Bosko Obradoviq dhe ish-kryetarit të Beogradit Dragan Dilas me arsyetimin për prishje të reputacionit të tij me komentet e tyre në media.

Vuçiç kishte komentuar edhe mundësinë që dikush në Serbi të deklaronte se Republika Serbe e Bosnjës dhe Serbia të bashkoheshin çfarë reagime do të kishte në BE.

Por Vuçiç ka injoruar deklarata e vartësit të tij Aleksander Vulin i cili në TvPink foli për bashkimin e të gjithë serbëve në një shtet.

Vuçiç gënjeu edhe për takimin që ai e quajti historik mes tij dhe Edi Ramës, duke thënë se ishte hera e parë që dy përfaqësues të shteteve të Shqipërisë dhe Serbisë takohen që nga viti 1947.

Ish-kryeministri Zoran Gjingjiq kishte takuar Ilir Metën në vitin 2001, pastaj Vuk Drashkoviq si ministër i Jashtëm kishte vizituar Shqipërinë dhe ish-ministri i Jashtëm i Shqipërisë Kastriot Islami kishte vizituar Beogradin.

Vuçiv poashtu ka gënjyer kur ka deklaruar se Serbia ka rrymën më të lirë në Evropë. Por sipas të dhënëave nga Eurostat Serbia s’e ka rrymën më të lirë në Evropë, pasi rryma më e lirë është në Ukrainë. /Express


2 Comments

  1. Ndersa genjeshtrat e Rames ska çarçaf qe i nxe. Mos flasim per Lal Zdromsin pastaj qe eshte nona e mashtrimit.

  2. U kenaqem me perkthimin e gazetave serbe. Cdo dite nje artikull..Mire Kosovaret qe ato lexojne cdo dite, po ne c’taksirat kemi

Lini një Përgjigje

Adresa juaj email s’do të bëhet publike.