Mbetet në rrezik të madh për moszhvillim ndeshja mes Juventusit dhe Napolit. Në fakt, do të ketë lojtarë të tjerë pozitivë në grupin skuadër të klubit kampan (e sigurtë një nga stafi, por disa tamponë presin ende për t’u ripërpunuar, siç ka bërë të ditur Napoli në Twitter). Tani do të pritet rezultati i testeve të reja të konfirmimit, më pas ndoshta do të vendosë ASL e Torinos. Të kaltrit mbërritën në qytet të mërkurën në mbrëmje me një ekip të shkatërruar nga Covid. Tani pozitiviteti i ri do ta bënte të pamundur zhvillimin e rregullt të ndeshjes.
Janë 19 lojtarë të Napolit që kanë morrë pjesë në këtë transfertë, por 4 janë grumbulluar nga të rinjtë dhe në mesin e 15 të tjerëve janë edhe Zielinski, Lobotka dhe Rrahmani, të cilët ASL Napoli 2 i ka identifikuar si kontakte të ngushta pozitive dhe i ka detyruar të izolohen edhe pse janë të vaksinuar prej më shumë se 120 ditësh dhe ende nuk i janë nënshtruar dozës përforcuese.
📌 In seguito al giro di tamponi effettuato questa notte al gruppo squadra presente a Torino è emersa la positività al Covid-19 di un componente dello staff tecnico.
Il membro dello staff, regolarmente vaccinato, è stato posto in isolamento come da protocollo. pic.twitter.com/spT5qi9Z7y— Official SSC Napoli (@sscnapoli) January 6, 2022
Juventusi është i vendosur të luajë, Napoli (dhe në veçanti presidenti Aurelio De Laurentiis) është thellësisht i mërzitur nga situata dhe qëndrimi i pa kompromis i Lega Serie A, që nuk ka dashur të marrë në konsideratë mundësinë e shtyrjes së javës. Ndeshja, në çdo rast, mbetet e varur në fije të perit dhe orët e ardhshme do të jenë vendimtare.