“Gjithnjë nëse nuk ka një ndryshim rrënjësor të situatës, Paulo Dybala ka vendosur të mos rinovojë kontratën e tij me Juventusin, e cila skadon më 30/6/2022. Ajo që ka shqetësuar lojtarin është fakti që klubi ka ndryshuar kushtet për një marrëveshje të re. Me këtë skenar ai është gati të dëgjojë oferta të reja”. Lajmi vjen nga Cesar Luis Merlo, gazetar argjentinas i TyC Sport që vetëm sa konfirmon atë që është thënë gjithmonë, se bardhezinjtë kanë patur dyshime për rinovimin e ‘Joya’ në shifrat e kërkuara nga playmakeri amerikano-jugor. Veprimet për të ulur pazarin e bërë nga drejtuesit e Juventus ka lodhur stafin e lojtarit që tani ka filluar të shikojë përreth.
Klubi që e ka tërhequr gjithmonë Dybalan është Barcelona e cila, duke pasur parasysh problemet ekonomike, do të ishte e lumtur të sillte në shtëpi një kampion me parametër zero. Sigurisht, shuma e pagës është ende e konsiderueshme, por katalanasit janë gati të shesin për të siguruar thesarin e nevojshëm për të bërë ofertën finale për Dybala.