• |
ide | kryesore

Në Angli zbulojnë lajmin: Mourinho ka refuzuar tre herë Evertonin

-Instant, Sport



Në Angli, që një muaj më parë, e jepnin José Mourinhon si zgjedhjen e parë të Everton në rast të shkarkimit të Rafael Benitez. Tani që trajneri spanjoll është shkarkuar zyrtarisht nga pankina – humbja e së shtunës nga Norwich ishte fatale – emri i trajnerit portugez është kthyer të jetë në qendër të dëshirave për pankinën e Toffees. Nga ana e tij, trajneri i Romës i ka refuzuar, ndërkohë, tre oferta të anglezëve. Special One ka nënshkruar një kontratë deri në vitin 2024 me Romën.

Sipas asaj që raporton ‘Guardian’, pronari i Everton, biznesmeni anglo-iranian Farhad Moshiri, ka qenë gjithmonë një adhurues i Mourinhos dhe është i gatshëm ta rrëmbejë me çdo kusht nga Roma gjatë sezonit aktual, me gatishmërinë për të paguar edhe një penalitet, me premtimin e blerjeve të shkëlqyera, si portieri i PSG Keylor Navas dhe interisti Ivan Perisic.

Nga Anglia konfirmojnë se në orët e para pas shkarkimit të Benitez u fol për një kandidaturë të Rino Gattusos. Nga ana e tyre, tifozët – shkruan gjithmonë ‘Guardian’ – do të preferonin të rikthehej në Goodison Park ish-i preferuari i tyre Wayne Rooney, i cili u fut në futbollin profesionist me fanellën e Evertonit në një moshë shumë të re dhe tani është trajner, e po bën mirë me Derbi County.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *